निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमाैली । पृथ्वीराजमार्ग अन्तर्गत तनहुँको बन्दीपुर गाउँपालिका–१ नाहालामा आइतबार बोलेरो जीप दुर्घटना हुँदा चार जना घाइते भएका छन् ।
दमौलीबाट डुम्रेतर्फ जाँदै गरेको बागमती प्रदेश ०१–०२६ च ५४७१ नम्बरको बलेरो जीप सडक छेउ पल्टिँदा चार जना घाइते भएको जिल्ला प्रहरी कार्यालय तनहुँले जनाएको छ ।
अनियन्त्रित भएर जीप पल्टिँदा जीपमा सवार पाँच जनामध्ये चार जना घाइते भएको र घाइतेको डुम्रेस्थित लक्ष्मी अस्पतालमा उपचार भइरहेको प्रहरीले जनाएकाे छ ।
निर्माणाधीन मुग्लिन पोखरा सडकखण्ड अन्तर्गत विभिन्न ठाउँमा घुमाउरो सडकले दुर्घटना बढाएको छ । सडक फराकिलो भएपनि घुम्ती रहेकाले दुर्घटना हुने गरेको छ ।
