निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । तनहुँको देवघाटलाई केन्द्रविन्दु बनाएर सञ्चालनमा रहेको देवघाट अनलाइनको प्रथम स्थापना दिवस वृद्धाश्रममा मनाइएको छ ।
अनलाइनले प्रथम स्थापना दिवसको अवसरमा बुधबार देवघाट क्षेत्र विकास समितिले सञ्चालन गरेको समाजकल्याण केन्द्र वृद्धाश्रममा रहेका ज्येष्ठ नागरिकलाई फलफूल वितरण गरेको हो ।
सामाजिक उत्तरदायित्व वहन अन्तर्गत वृद्धाश्रमलाई फलफूल तथा एक छाक खानाको व्यवस्था गरेको अनलाइनका अध्यक्ष प्रकाशचन्द्र भट्टराईले जानकारी दिए ।
कार्यक्रममा सो वडाका अध्यक्ष पूर्णकुमार कुंवरले स्थानीय क्षेत्रबाट सन्चालित देवघाट अनलाइनले स्थापना दिवसको अवसरमा बृद्धाश्रममा भोजनको व्यवस्था गरेर स्वागतयोग्य काम गरेको बताए ।
वडा सदस्य बुद्धिबहादुर पाण्डेले देवघाट अनलाइनले स्थापना दिवसको अवसरमा स्वागतयोग्य र सकारात्मक काम गरेको बताए ।
कार्यक्रममा वृद्धाश्रमकी व्यवस्थापक दिलमाया सापकोटा, रेडियो देवघाटका प्रबन्धक गोपाल शर्मा न्यौपाने, देवघाट सन्देश साप्ताहिककी सम्पादक गोमा न्यौपाने, देवघाट अनलाइनका कार्यकारी सम्पादक सागर भण्डारी, अनलाइनका व्यवस्थापक विष्णु पाण्डेकाे सहभागिता थियाे ।
