निष्पक्ष र विश्वसनीय खबरको सँगालो 
Khabar Punja
३० भाद्र २०८१, सोमबार
काठमाडौ । जलवायु परिवर्तन सम्बन्धी संयुक्त राष्ट्रसंघीय संरचनामहासन्धि (UNFCCC) को पक्ष राष्ट्रहरूको सम्मेलनको २९ औँ सत्र (कोप२९) बाकु, अजरबैजानमा हुनुअघि नेपालको आवाजलाई विश्व मञ्चमापुर्याउने उद्धेश्यले बागमती युनेस्को क्लब (BUC) र नेपाली युवा जलवायुकार्य समूह (NYCA) हेटौंडाले अक्टोबर ४ र ५ मा दुई दिने प्रारम्भिक युवाबैठक आयोजना गर्ने भएका छन् ।
“सुन्दर विश्वका लागि ऐक्यबद्धता” भन्ने मूलनाराका साथ आयोजना हुने यस कार्यक्रमले युवा, सरकारी अधिकारी, उद्योगी, र नागरिक समाजलाई जलवायु परिवर्तनका महत्वपूर्ण मुद्घामा छलफल गर्न एकै ठाउँमा ल्याउनेछ। यसको उद्देश्य विश्वव्यापी जलवायुअवधारणाहरूलाई स्थानीयकरण गर्नु र कोप २९ मा नेपालकोप्रतिनिधिमण्डलमा युवाहरूको अर्थपूर्ण सहभागिता सुनिश्चित गर्नु रहेको बताइएको छ ।
बागमती प्रदेशको राजधानी र औद्योगिक केन्द्र हेटौंडा, नेपालको जलवायुपरिवर्तनको चुनौतीहरूको प्रतिबिम्ब हो। द्रुत विकास र त्यसबाट उत्पन्न हुनेवातावरणीय समस्याहरूको दोहोरो मार खेपिरहेको यस सहरमा बढ्दो वायुप्रदूषण, अनियमित मौसम, र घट्दो पानीको स्रोतले स्थानीय स्तरमै जलवायुपरिवर्तनलाई सम्बोधन गर्नुपर्ने आवश्यकतालाई दर्शाउँछ। यो प्रि-कोपसम्मेलनले स्थानीय बासिन्दा, उद्योग, र नीति निर्माताहरूलाई एकजुट भएरपरिवर्तनको लागि साझा मञ्च प्रदान गर्दछ।
बागमती युनेस्को क्लवका अध्यक्ष इन्जिनियर अभिषेक दाहालले हेटौंडाको औद्योगिक विकास ऊर्जा खपतसँग अभिन्न रूपमा जोडिएको छ।यो प्रि-कोप दिगो ऊर्जा समाधानहरूको खोजी, दक्षता अभिवृद्धि, र हाम्राउद्योगहरूको वातावरणीय प्रभाव न्यूनीकरण गर्न महत्वपूर्ण हुने बताए ।
प्रि-कोपको एजेन्डा तीन प्रमुख स्तम्भहरूमा आधारित छ: हानि र क्षति, राष्ट्रिय रूपमा निर्धारित योगदानहरू (एनडीसी), र पेरिस सम्झौता। योसम्मेलनले नेपाल जस्ता विकासशील देशहरूलाई जलवायु परिवर्तनकाप्रतिकूल प्रभावहरू जस्तै हिमनदी पग्लने र जलवायु परिवर्तनका कारण हुनेविस्थापन जस्ता समस्याहरूसँग जुध्नका लागि मजबुत वित्तीय संयन्त्रहरूकोवकालत गर्नेछ।
नेपालको एनडीसीहरूको आलोचनात्मक मूल्यांकन पनिकेन्द्रमा रहनेछ, जसमा सहभागीहरूले सुधारका क्षेत्रहरू पहिचान गर्ने रउत्सर्जन न्यूनीकरण र जलवायु परिवर्तन अनुकूलनतर्फ थप महत्वाकांक्षी मार्गतय गर्नेछन् । छलफलहरूले पेरिस सम्झौताको गहन बुझाइलाई प्रोत्साहनगर्दै नेपालका लागि यसको प्रभाव र जलवायु वित्त परिचालन र जलवायुन्याय प्रवर्द्धनका लागि रणनीतिहरूको खोजी गर्नेछ।
जलवायु-सुरक्षित भविष्य निर्माणमा युवाहरूको महत्वपूर्ण भूमिकालाईस्वीकार गर्दै, प्रि-कोपले उनीहरूको सक्रिय सहभागितालाई प्राथमिकतादिन्छ।
एनवाइसिए हेटौडाका संयोजक अभिषेक चन्दले हेटौडाका युवाहरू जलवायु परिवर्तनको प्रभावका निष्क्रिय प्राप्तकर्ता मात्रहोइनन्, उनीहरू परिवर्तनका सक्रिय संवाहक भएको बताए।
अन्तरक्रियात्मक कार्यशालाहरू, विचार-मन्थन सत्रहरू, र नेटवर्किङअवसरहरूको श्रृंखला मार्फत, युवा नेताहरूलाई अर्थपूर्ण परिवर्तनलाईअगाडि बढाउन आवश्यक ज्ञान र वकालत कौशलले सुसज्जित गरिनेछ।क्षेत्रगत सहकार्यलाई बढावा दिँदै र नवीन समाधानहरूलाई प्रोत्साहित गर्दै, प्रि-कोपले नेपालको जलवायु कार्यप्रतिको राष्ट्रिय प्रतिबद्धतालाई सुदृढपार्ने, हेटौंडाका लागि कार्यान्वयनयोग्य, स्थानीयकृत जलवायु योजनाहरूतयार पार्ने, दिगो पूर्वाधार र नवीकरणीय ऊर्जामा लगानी उत्प्रेरित गर्ने, उद्योगहरूलाई स्वच्छ प्रविधि अपनाउन प्रोत्साहित गर्ने, र समुदायकोजलवायु-सम्बन्धित प्रकोपहरूको सामना गर्ने क्षमता बढाउने आकांक्षाराख्दछ।
वन विज्ञान अध्ययन संस्थान हेटौडाका स्नातक विद्यार्थी मोनिका कोइरालाले हेटौंडाको वन र पारिस्थितिक प्रणाली हाम्रो कल्याण र जलवायुपरिवर्तनको सामना गर्ने क्षमताको लागि महत्वपूर्ण रहेको बताउँदै यो प्रि-कोप हाम्रोजलवायु कार्य योजनाहरूमा संरक्षण र दिगो स्रोत व्यवस्थापनलाई एकीकृतगर्ने अवसर भएको उल्लेख गरिन् ।
