निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली । ऑबुखैरनी गाउँपालिकाका अध्यक्ष शुक्र चुमानले सामुदायिक विद्यालयको गुणस्तर सुधारका लागि जस्तोसुकै निर्णय गर्न पनि तयार रहेको बताएका छन् । पालिकामा मंगलबार आयोजित अन्तरक्रियामा चुमानले उक्त कुरा बताएका हुन् ।
विद्यालयको शैक्षिक गुणस्तर सुधारका लागि गम्भीर भएर छलफल गर्न वडा शिक्षा समितिलाई भनेको चुमानको भनाइ छ । उनले भने, ‘व्यक्ति हेरेर होइन, हाम्रो वडामा रहेको विद्यालयलाई के गरेर राम्रो बनाउन सकिन्छ त्यसमा छलफल गरौ ।’
शिक्षाको गुणस्तर सुधारका लागि काम गर्दा आफूलाई मुद्धा हाल्ने धम्की आएको बताउँदै चुमानले मुद्धा समेत बेहोर्न तयार रहेको उल्लेख गरे । गाउँपालिकाले गर्ने निर्णय राजनीतिक नहुने भन्दै उनले भने, ‘कोही कुनै संगठनमा आबद्ध भएकै भरमा हामीले निर्णय गर्दैनौ । यो निर्णय राजनीतिक पूर्वाग्रह भयो । यसले मलाई अन्याय भयो भनेर भन्नुभयो भने म निर्णय सच्याउन तयार हुनेछु ।’
शैक्षिक सुधारका लागि गरिने निर्णयमा सम्झौता नहुने बताउँदै चुमानले त्यस्ता निर्णय विरुद्ध मुद्धा हाल्ने भए हजार मुद्धा सहन तयार रहेको बताए ।
