निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमौली । महाशिवरात्री पर्वको अवसरमा बुधबार तनहुँका शिव मन्दिरमा भक्तजनको भीड लागेको छ । जिल्लाका विभिन्न ठाउँमा रहेका शिव मन्दिरमा बिहानैदेखि भक्तजनको भीड लागेको हो ।
व्यास नगरपालिका–३ स्थित शिव पञ्चायन मन्दिर, शुक्लागण्डकी नगरपालिका–२ स्थित मुक्तिनाथ च्वयनधाम मन्दिर, ऑबुखैरेनीस्थित शिवालय मन्दिर लगायतमा भक्तजनको भीड बढेको छ ।
मुक्तिनाथ च्यवनधाममा रहेको शुक्लेश्वर महादेवको मन्दिरमा पूजाअर्चना गरेपछि सन्तान नभएकालाई सन्तान प्राप्ति हुने जनविश्वास रहेको मन्दिर व्यवस्थापन समितिका अध्यक्ष होमनाथ लम्सालले जानकारी दिए ।
च्यवनधाम परिसरमा निर्माण गरिएको शुक्लेश्वर महादेवको मन्दिर, आसपासमा सूर्य नारायण, लक्ष्मी नारायण, दुर्गा भवानी र गणेशको मन्दिरले यहाँ आउने भक्तजनलाई आकर्षित गर्ने गरेको छ ।
मन्दिरको अलवा यहाँ मुक्तिनाथकै झल्को दिने एक सय ८ धारा, एक सय ८ ओमकार कल्पवृक्ष, एक सय ८ शिवलिङ्ग, मोक्षकुण्ड, वृद्धाश्रम, पार्क लगायतका संरचना बनाइएको छ । बौद्ध धर्मावलम्बीको लक्षित गर्दै बौद्ध गुम्बा पनि च्यवनधाम परिसरमा छ ।
