निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमाैली । खबरपुञ्ज डटकमका कार्यकारी सम्पादक एवं राष्ट्रिय समाचार समिति (रासस) का दमौली समाचारदाता कृष्ण न्यौपानेलाई राष्ट्रिय फोटो पत्रकार समूह नेपाल तनहुँले सम्मान गरेको छ।
शाखाको शनिबार दमौलीमा आयोजित दोस्रो अधिवेशनका अवसरमा राससकर्मी न्यौपाने सम्मानित हुनुभएको हो । फोटो पत्रकारिताका माध्यमबाट पुर्याएको योगदान स्वरुप न्यौपानेलाई दोसल्ला र प्रशंसापत्रले सम्मान गरिएको छ। उनलाई समूहका केन्द्रीय अध्यक्ष प्रदीपराज वन्त, शाखा अध्यक्ष अमरराज नहर्की लगायतले सम्मान गरेका थिए । सम्मानित न्याैपाने नेपाल पत्रकार महासङ्घ तनहुँकाे सचिव समेत हुन् ।
सोही अवसरमा प्रादेशिक खबर दैनिकका मदन वाग्ले र प्रहार अनलाइनका शङ्करराज नहर्कीलाई समेत सम्मान गरिएको थियो ।
