निष्पक्ष र विश्वसनीय खबरको सँगालो 
Khabar Punja
१० मंसिर २०८२, बुधबार
दमाैली, ४ साउन । सगरमाथा वृक्षारोपण महाअभियान अन्तर्गत तनहुँको व्यास नगरपालिका–१० दुम्सीस्थित गौ संरक्षण केन्द्रमामा बिरुवा राेपिएकाे छ ।
नेपाल सरकारले घोषणा गरेको सगरमाथा वृक्षारोपण महाअभियान अन्तर्गत आइतबार गौ संरक्षण केन्द्र परिसरमा विभिन्न प्रजातिका बिरुवा रोपिएको डिभिजन वन कार्यालय तनहुँका सहायक वन अधिकृत काशीराज पण्डितले जानकारी दिए ।
उनका अनुसार चार सय राइखनियो, कोइरालो, टाँकी, निमारोकाे बिरुवा राेपिएकाे छ । यसअघि मादी नदी तटमा एक सय गोटा बाँस र तीन हजार अम्रिसोको बिरुवा रोपण गरिएको थियाे ।
डिभिजन वन कार्यालय तनहुँ र गौ संरक्षण केन्द्रको आयोजना, जिल्ला प्रशासन कार्यालय तनहुँको समन्वयमा गौ संरक्षण केन्द्रमा बिरुवा रोपिएको छ ।
बिरुवा रोपण कार्यक्रममा व्यास नगरपालिकाका प्रमुख वैकुण्ठ न्यौपाने, प्रमुख जिल्ला अधिकारी रामकृष्ण अधिकारी, डिभिजन वन अधिकृत शरद अधिकारी भू तथा जलाधार व्यवस्थापन कार्यालयका प्रमुख दिवाकर पौडेल लगायतको सहभागिता थियो ।
गौ संरक्षण केन्द्र संरक्षण समितिका अध्यक्ष तुलसीराम सापकोटाले रोपिएका बिरुवाको संरक्षण गर्ने प्रतिबद्धता जनाए ।
