निष्पक्ष र विश्वसनीय खबरको सँगालो 
Khabar Punja
२६ बैशाख २०८३, आईतवार
दमौली, २६ मंसिर । तनहुँ जिल्लाको राजनीतिक परिदृश्यमा उल्लेखनीय रूपमा सक्षम नेतृत्वका रूपमा पहिचान कायम गर्दै आएका डा. शेषरमण न्यौपाने आगामी प्रतिनिधि सभा निर्वाचनमा प्रतिस्पर्धा गर्ने तयारीमा औपचारिक रूपमा उभिएका छन्।
उनले राष्ट्रिय स्वतन्त्र पार्टी (रास्वपा) बाट तनहुँ–२ क्षेत्रको प्रतिनिधित्वका लागि पार्टीभित्रको आन्तरिक छनोट प्रक्रियामा सहभागी हुन आवेदन दर्ता गरेका छन्। उक्त आवेदनसँगै उनले आफ्नो सम्भावित निर्वाचन क्षेत्र स्पष्ट पारेको विषय औपचारिकरूपमा सार्वजनिक भएको छ।
डा. न्यौपाने जिल्ला विकास समिति महासंघका पूर्व अन्तिम कार्यकारी महासचिवका रूपमा दीर्घ अनुभवसम्पन्न तथा स्थानीय शासन र सार्वजनिक प्रशासनका क्षेत्रमा विज्ञ व्यक्तित्व मानिन्छन्।
