निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
तनहुँ : तनहुँको व्यास नगरपालिका–३ दमौलीका बसिर अहमद मियाँ अस्पतालकै प्रि आइसोलेशन वार्डबाटै बेपत्ता हुनुभएको छ । ज्वरो आएर उपचारका लागि पोखरास्थित क्षेत्रीय पश्चिमाञ्चल क्षेत्रीय अस्पताल पुग्नुभएका मियाँ शुक्रबार बिहान प्रि आइसोलेशनबाटै बेपत्ता हुनुभएको हो ।
टाइफाइड भएपछि श्रीमती सहित उपचारका लागि बिहीबार अस्पताल पुग्नुभएका ४१ वर्षीय मियाँलाई पिसीआर परीक्षणका लागि प्रि आइसोलेशन वार्डमा भर्ना गरिएको थियो । शुक्रबार बिहान पिसीआर परीक्षण गर्ने बेलामा मियाँ बेपत्ता भएको उहाँका भाई अजिज मियाँले जानकारी दिनुभयो ।
“टाइफाइड भएपछि उपचारका लागि पोखरा लगेका थियौ, पिसीआर गरेपछि मात्रै भर्ना गर्ने भनेकाले प्रि आइसोलेशन वार्डमा राखेर पिसीआर गर्ने तयारी भएको थियो, बिहान त एक्कासी दाई बेपत्ता हुनुभएछ,” मियाँले भन्नुभयो । बिरामी भएका कारण दाईले मोवाइल नबोकेको र उहाँको खोजी कार्यका लागि जिल्ला प्रहरी कार्यालय कास्कीमा निवेदन दर्ता गरिएको मियाँले बताउनुभयो ।
कसैले देखे वा फेला पारेमा नजिकको प्रहरी कार्यालयमा खबर गरिदिन परिवारले आग्रह गरेको छ ।
