निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : तनहुँको व्यास नगरपालिका-४ स्थित मिर्गौला पीडित अब्दुल गफ्फारलाई तनहुँ समाज अष्ट्रेलियाले रु ४१ हजार पॉच सय पॉच सहयोग गरेको छ । व्यास नगरपालिकाका प्रवक्ता मोहनकुमार श्रेष्ठले उक्त रकम शुक्रबार मिर्गौला पीडितका श्रीमती कोपिलालाई हस्तान्तरण गर्नुभएको हो।
सो अवसरमा सहयोग जुटाउन सक्रिय समाजसेवी युवा अभियान्ता लक्ष्मीभक्त खनाल र व्यास युथ क्लबका अध्यक्ष मिन बहादुर गुरुङको सहभागिता रहेको थियो।
विभिन्न सञ्चार माध्यमबाट दुबै मिर्गौला प्रत्यारोपणका लागि रकम अभाव भएको भनी जीवन रक्षाको सहयोगको लागि अनुरोध गरेसँगै तनहुँ समाज अष्ट्रेलिया सहयोगको लागि जुटेको समितिका महासचिव सूर्य खनालले जानकारी दिनुभयो ।
विभिन्न असहाय र पीडितको सहयोगको लागि रकम सङ्कलन अभियानमा तनहुँ समाज अष्ट्रेलियाका अध्यक्ष दिनेश खनालको कार्य समिति निकै सक्रिय रहि सहयोग गर्दै आईरहेको समाजको सदस्य सन्देश राजभण्डारीले बताउनुभयो ।
