निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
तनहुँ : पृथ्वीराजमार्ग अन्तर्गत तनहुँको आँबुखैरेनी गाउँपालिका–२ एक्लेफाँटमा आइतबार मोटरसाइकल अनियन्त्रित भई रुखमा ठोक्किदा दुई जना घाइते भएका छन् । आँबुखैरेनीबाट डुम्रेतर्फ आउँदै गरेको बा ८२ प ३३६५ नम्बरको मोटरसाइकल सोही दिशाबाट आइरहेको ग १ ख ४०९१ नं को बसलाई ओभरटेक गर्न खोज्दा दुर्घटना भएको हो ।
घाइते हुनेमा मोटरसाइकल चालक आँबुखैरेनी गाउँपालिका–४ बस्ने ३० वर्षीय भरत गुरुङ र पछाडि सवार गोरखा गण्डकी गाउँपालिका–६ बस्ने सुरज गुरुङ रहेको प्रहरीले जनाएको छ । घाइते दुवैको छिम्केश्वरी अस्पतालमा उपचार भइरहेको छ ।
