निष्पक्ष र विश्वसनीय खबरको सँगालो 
Khabar Punja
५ माघ २०८१, आईतवार
तनहुँ : तनहुँको ऋषिङ गाउँपालिका–८ की एक महिलाको कोरोना सङ्क्रमणबाट मृत्यु भएको छ । ७८ वर्षीया महिलाको शुक्रबार राति उपचारको क्रममा मृत्यु भएको हो ।
स्वास्थ्य निर्देशनालयले शनिबार सार्वजनिक गरेको विवरण अनुसार ती महिलाको मणिपाल शिक्षण अस्पतालमा मृत्यु भएको हो । उहाँमा मङ्सिर ११ गते कोरोना सङ्क्रमण पुष्टि भएको थियो ।
योसँगै तनहुँमा कोरोना सङ्क्रमणबाट मृत्यु हुनेको सङ्ख्या १८ पुगेको छ । व्यास नगरपालिकामा छ, भीमाद नगरपालिकामा पाँच, शुक्लागण्डकी नगरपालिकामा दुई, म्याग्दे गाउँपालिकामा दुई र आँबुखैरेनी गाउँपालिकामा दुई जनाको कोरोना सङ्क्रमणबाट मृत्यु भएको छ ।
