निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
काठमाडाै : नेपाली कांग्रेसका वरिष्ठ नेता एवं पूर्व सभामुख रामचन्द्र पौडेलले संसद विघटन गर्ने प्रतिगामी निर्णय राष्ट्रपतिले फिर्ता गर्नुपर्ने बताउनुभएकाे छ । उहाँले विगतमा संसद विघटनले देशलाई अस्थिरता र संकटतर्फ धकेलेको भन्दै प्रधानमन्त्री केपी शर्मा ओलीले देशलाई अस्थिरतामा धकेलेको आरोप लगाउनुभयाे ।
‘संसद विघटनको कुरा संविधान विपरितको काम हो, लोकतन्त्रको मूल्य र मान्यता विपरित गरिएको संसद विघटनको सिफारिश राष्टपतिले स्वीकार्न हुँदैन’ पौडेलले भन्नुभयाे, ‘यस्ता हर्कतले देशलाई सधै अस्थिरता र संकट तिर लगिरहेको छ, लोकतन्त्रलाई नोक्सान पुर्याउदै आएको छ । अहिले फेरि प्रधानमन्त्रीले देशलाई अनिष्टमा लैजान आमन्त्रण गरेका छन, यो बन्द हुनुपर्छ ।’
प्रधानमन्त्री निवास बालुवाटारमा आइतवार बिहान बसेको मन्त्रिपरिषद् बैठकले ताजा जनादेश लिने भन्दै संसद विघटन गर्न राष्ट्रपतिलाई सिफारिश गरेको थियो ।
