निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
दुलेगाैडा : तनहुँको शुक्लागण्डकी नगरपालिका–१२ बराहडाँडामा जारी प्रथम वडाध्यक्ष कप भलिबल प्रतियोगिताको फाइनलमा वडा नं १२ (क) र वडा नं ११ भीड्ने भएका छन् ।
युवा तथा खेलकुद विकास समिति शुक्लागण्डकी–१२ को आयोजना र वडा कार्यालयको आर्थिक सहयोगमा जारी प्रतियोगिताको फाइनल खेल मङ्गलबार दिउँसो हुँदैछ । मङ्गलबार नै तेस्रो स्थानका लागि वडा नं ५ र वडा नं १ बीच खेल हुने खेल संयोजक निर्मल गुरुङले जानकारी दिनुभयो ।
सोमबार भएको खेलमा वडा नं १ ले वडा नं ९ लाई २५–२५ र १९–२० ले पराजित ग¥यो । त्यस्तै वडा नं ५ र वडा नं ३ बीच भएको खेलमा वडा नं ५ ले २५–२०–२५ र १७ –२५–१६ ले पराजित ग¥यो ।
त्यस्तै पहिलो सेमिफाइनल खेल वडा नं १ र ११ बीच भएकामा वडा नं ११ ले २५–२५–२५ र १३–११–१४ ले पराजित ग¥यो । दोस्रो सेमिफाइनल खेल वडा नं १२ (क) र वडा नं ५ बीच भएकामा वडा नं १२ ले २५–२७–१५–२५ र १९ –२५–२५–१८ ले पराजित गरेको आयोजकले जनाएको छ ।
प्रतियोगितामा प्रथम हुने समूहले नगद रु ६० हजारका साथमा प्रमाणपत्र, मेडल र ट्रफी पाउने युवा तथा खेलकुद विकास समितिका अध्यक्ष टुकबहादुर गुरुङले जानकारी दिनुभयो । उहाँका अनुसार दोस्रो र तेस्रोले क्रमशः नगद रु तीस हजार, रु १५ हजारको साथमा प्रमाणपत्र, मेडल र ट्रफी प्राप्त गर्नेछन् ।
