निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
क्वेटा : पाकिस्तानको दक्षिण क्षेत्रमा भूकम्प जाँदा कम्तिमा २० जनाको मृत्यु भएको छ। समाचार एजेन्सी रोयटर्सका अनुसार भूकम्पमा २ सयभन्दा बढी घाइते भएका छन्।
भूकम्प बिहीबार सबेरै गएको हो। मानिसहरू सुतिरहेकै बेला गएको ५.७ रेक्टर स्केलको भूकम्पले मानवीय क्षति गरेको हो।
उद्धारकर्ताहरूका अनुसार मृत्यु हुनेमा बालबालिका र महिलारू बढी रहेका छन्।
भूकम्पले सयौँ घरहरू भत्किएका छन् भने सरकारी भवनहरू पनि भत्किएका छन्। त्यस्तै सयौँ मानिस विस्थापित भएको रोयटर्सले स्थानीय अधिकारीलाई उद्दृत गर्दै समाचार लेखेको छ।
अमेरिकी जिओलोजिकल सर्भेका अनुसार भूकम्प क्वेटादेखि १०२ किलोमिटर टाढा रहेको थियो। भूकम्पको विन्दु २० किलोमिटर गहिराईमा रहेको थियो।
