निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमाैली । पृथ्वीराजमार्ग अन्तर्गत तनहुँको शुक्लागण्डकी नगरपालिका–६ तिमिल्सिनाचोकबाट लागुऔषध सहित एक युवा पक्राउ परेका छन् । पक्राउ पर्नेमा शुक्लागण्डकी नगरपालिका–६ रनमानचोक बस्ने १८ वर्षीय अनिस मगर रहेको जिल्ला प्रहरी कार्यालय तनहुँले जनाएको छ ।
इलाका प्रहरी कार्यालय बेलचौताराबाट खटिएको प्रहरी टोलीले मगरलाई आज पक्राउ गरेको प्रहरी नायब उपरिक्षक युवराज खड्काले जानकारी दिनुभयो । प्रहरीले निजको साथबाट ४० चक्की नाइट्राभेट बरामद गरेको छ । पक्राउ परेकाविरुद्ध लागुऔषध मुद्दामा तनहुँ जिल्ला अदालतबाट दश दिनको म्याद थप गरिएको छ ।
