निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । तनहुँ कारागारमा रहेका कैदीबन्दीको आँखा परीक्षण गरिएको छ । लायन्स क्लव अफ व्यास सिटीको आयोजनामा शनिबार कारागारमै पुगेर कैदीबन्दीको आँखा परीक्षण गरिएको हो ।
लामो समयदेखि कारागारमा रहँदा आँखा परीक्षण गर्न नपाएका कैदीबन्दीको आँखा परीक्षण गरिएको व्यास सिटीका अध्यक्ष अन्जु दाहालले बताइन् ।
एक सय ४२ पुरुष र नौ महिला कैदीबन्दी गरी एक सय ५१ जनाको आँखा परीक्षण गरिएको छ । आँखा परीक्षण गरेकामध्ये १४ जनालाई निःशुल्क चस्मा वितरण गरिएको छ ।
कारागारमा रहेका इच्छुक कैदीबन्दीको आँखा परीक्षण गरिएको कारागारका निमित्त जेलर नारायण अधिकारीले जानकारी दिए ।
