निष्पक्ष र विश्वसनीय खबरको सँगालो 
Khabar Punja
१० पुष २०८१, बिहीबार
पोखरा । गण्डकी प्रदेशमा १२ वटा मन्त्रालय रहेकामा घटाएर सात वटा बनाउने सहमति भएको छ । सत्ता गठबन्धनले उक्त सहमति गरेका हुन् ।
मुख्यमन्त्री खगराज अधिकारीको निवासमा आइतबार साँझ बसेको गठबन्धनका तीन दलको बैठकमा मन्त्रालय संख्या घटाउने सहमति भएको हो ।
मन्त्रालय कुन-कुन बनाउने भन्ने विषयमा परामर्श गरेर टुङ्गो लगाइने राप्रपाबाट मन्त्री बनेका पञ्चराम गुरुङले बताए ।
मन्त्रालय भागवण्डामा सहमति हुन नसक्दा गण्डकीमा मन्त्रिपरिषद्ले पूर्णता पाएको छैन । दलहरूले बढी दाबी गरेपछि मन्त्रालयको भागवण्डा टुंगिन नसकेको हो ।
गण्डकीमा नेकपा एमाले, नेकपा माओवादी केन्द्र र राप्रपा सहभागी सरकार छ ।
कसले कुन र कति मन्त्रालय लिने भन्ने नटुंगिएको माओवादीबाट मन्त्री बनेका हरिबहादुर चुमानले बताए । मंगलबारसम्म मन्त्रालय र मन्त्री टुंगो लगाउने तयारी मुख्यमन्त्री अधिकारीको छ ।
