निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । वैशाख १० गते हुने उपनिर्वाचन अन्तर्गत तनहुँ क्षेत्र नम्बर १ मा यतिबेला चुनावी अभियान तीव्र रुपमा चलिरहेको छ । उम्मेदवार यतिबेला गाउँ गाउँ पुगिरहेका छन् । सबै दल चुनावी कार्यक्रममा व्यस्त छन् ।
चुनावी अभियान चलिरहँदा केही नेताहरु भने व्यक्तिगत गालीगलौज र विरोधमा उत्रिएका छन् । आफ्ना उम्मेदवारको प्रतिबद्धता जनतामाझ सार्वजनिक गरिनुपर्नेमा नेताहरु अर्काको विरोध गर्न व्यस्त छन् ।
यस्तो कार्यमा नेपाली कांग्रेस र नेकपा माओवादी केन्द्रका नेता अग्रभागमा देखिएका छन् । हरेक कार्यक्रममा रवि लामिछाने र डा. स्वर्णिम वाग्लेको नाम नलिई कार्यक्रम नै सुरु नहुने देखिएको छ ।
चुनावी अभियानमा तनहुँका विभिन्न ठाउँमा आयोजित कार्यक्रममा सहभागी भएका कांग्रेस नेता गगन थापा, प्रकाशमान सिंह, शंकर भण्डारी, प्रदीप पौडेल लगायत आफ्ना उम्मेदवारको राम्रा पक्ष प्रचार गर्न भन्दा रवि र स्वर्णिमलाई अवसरवादी भन्दै विरोधमा उत्रिएका छन् ।
यसैक्रममा बन्दीपुरमा बुधबार आयोजित चुनावी सभामा नेकपा (माओवादी) केन्द्रका गण्डकी प्रदेश कमिटी सदस्य हेमराज लामिछानेले रविको विरोध गर्दै नेपाली कांग्रेसका उम्मेदवारलाई मत मागेका छन् । उनले रवि लामिछानेलाई चार श्रीमतीको श्रीमान् भन्दै विरोध जनाए ।
“रविलाई स्वीकार्य भनेको त चार वटा श्रीमती बिहे गर्ने भनेको ठिक छ है भनेको हो, नैतिक हिसाबले पनि उनी ठिक छैनन् । फटाहालाई गाली गर्ने हाइहाइ गर्ने तर भित्रभित्रै पैसा माग्ने प्रवृत्ति उनमा छ,” लामिछानेले भने ।
