निष्पक्ष र विश्वसनीय खबरको सँगालो 
Khabar Punja
१२ पुष २०८१, शनिबार
दमौली । वैशाख १० गते हुने उपनिर्वाचनमा कांग्रेसका तर्फबाट तनहुँ-१ का उम्मेदवार गोविन्द भट्टराईले मतदाता प्रभावित पार्न व्यास-३ का आमाहरुलाई सम्मान गरेका छन् । मातातीर्थ औसीको अवसरमा बिहीबार भट्टराईले उक्त वडाका ज्येष्ठ महिलाहरुलाई दोसल्ला ओढाएर सम्मान गरेका हुन् ।
निर्वाचन आचारसंहिता विपरित कार्यक्रमको आयोजना गरी सम्मान भन्दै मतदाता प्रभावित गर्न खोजिएको हो ।
उक्त कार्यक्रममा कांग्रेस महामन्त्री विश्वप्रकाश शर्मा, केन्द्रीय सदस्य शंकर भण्डारी लगायतको सहभागिता थियो ।
जिल्ला निर्वाचन कार्यालय तनहुँका प्रमुख हरिप्रसाद ढकालले निर्वाचन आचारसंहिता लागु भएकाले त्यस्ता कार्य आचारसंहिता विपरित भएको बताए । ‘त्यस्तो काम गर्न पाइँदैन, उहॉहरुलाई नगर्नुस् भनेर भनिसकेका छौ,’ उनले भने ।
