निष्पक्ष र विश्वसनीय खबरको सँगालो 
Khabar Punja
१ कार्तिक २०८१, शुक्रबार
दमाैली । तनहुँकाे आँबुखैरेनी गाउँपालिकाले पालिकाकाे शिक्षा सुधारका लागि अनुभव आदानप्रदान गर्ने उद्धेश्य सहित भारतकाे दिल्लीस्थित नमूना विद्यालयकाे भ्रमण गरेकाे छ । गाउँपालिकाले अगाडी सारेकाे शैक्षिक सुधार अभियान अन्तरगत दिल्लीका नमूना विद्यालयकाे भ्रमण गरी त्यहाँकाे असल अभ्यासकाे सिकाइ गर्न खाेजिएकाे हाे ।
सेल फर ह्युमन भ्यालुज एण्ड ट्रान्सफर्मेटिभ लर्निङ दिल्लीकाे निमन्त्रणामा गाउँपालिकाका अध्यक्ष शुक्र चुमानकाे नेतृत्वमा वैशाख २२ देखि २६ सम्म विभिन्न विद्यालयकाे भ्रमण गरिएकाे छ ।
नयाँ दिल्लीमा अरविन्द केजरीवालको सरकारले अभ्यास गरेका विभिन्न विकासका मोडलहरु नजिकबाट अवलोकन गर्ने र त्यसबाट सिक्ने भ्रमणकाे मुख्य लक्ष्य रहेकाे चुमानले बताए । उनले भने, ‘विशेषत शिक्षा क्षेत्रमा गरेको अभ्यासले हामीलाई निकै प्रभावित बनायो । विद्यार्थीलाई विद्यालय स्तरको अध्ययन पूरा गरेपछि उद्मी बनाउन बनाउन उधमशिलता सिकाइ कक्षा, हरेक संकायमा प्रयोगशाला प्रयोगात्मक सिकाइ जस्ता शिक्षण सिकाईले हामीलाई प्रभावित बनायाे ।’
भ्रमणमा पालिकाले सुरु गरेको विद्यालय रुपान्तरण अभियान र स्कूल अफ एक्लेन्स सेक्टर-२३, राेहिनी तथा स्कूल अफ एक्सलेन्स सेक्टर ८, राेहिनीका प्रधानाध्यापक तथा शिक्षकहरुसँग अन्तरक्रिया गरिएकाे छ ।
भ्रमणबाट सिकेका भौतिक, आर्थिक, शिक्षण सिकाइ, प्रयोगात्मक शिक्षण लगायतलाई पालिकाले अनुसरण गर्ने जनाएकाे छ ।
भ्रमण टाेलीमा उपाध्यक्ष दुर्गा अर्याल, प्रमुख प्रशासकीय अधिकृत विष्णुप्रसाद शर्मा, विभिन्न वडाका अध्यक्षहरुकाे सहभागिता थियाे ।
