निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमाैली । पृथ्वीराजमार्ग अन्तर्गत तनहुँको आँबुखैरेनी गाउँपालिका–१ बरादीमा आइतबार दिउँसो भएको दुर्घटनामा एकको मृत्यु भएको छ ।
मुग्लिनबाट डुम्रेतर्फ आउँदै गरेको ग २ ख १२३५ नम्बरको बसमा सोही दिशाबाट आउँदै गरेको बाप्र ०२–०१५ प ६२३६ नम्बरको मोटरसाइकल ठक्कर खाँदा मोटरसाइकल चालकको घटनास्थलमै मृत्यु भएको हो ।
मृत्यु हुनेमा मोटरसाइकल चालक धादिङको साविक सेमजोङ गाविस वडा नम्बर ३ हाल कायम नेत्रावती डबजोङ गाउँपालिका–४ बस्ने २७ वर्षीय सागर तामाङ रहेको जिल्ला प्रहरी कार्यालय तनहुँका प्रहरी नायब उपरिक्षक मोहनबहादुर खाँणले जानकारी दिए ।
दुर्घटनामा मोटरसाइकल पछाडि सवार धादिङको नेत्रवती डबजोङ गाउँपालिका–२ बस्ने २७ वर्षीय सुरेन तामाङ घाइते भएका छन् । उनको आँबुखैरेनी अस्पतालमा उपचार भइरहेको प्रहरीले जनाएको छ । दुवै सवारी साधन र बस चालक प्रहरी नियन्त्रणमा छन् ।
