निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
पाल्पा । पाल्पामा सोमबार भएको जिप दुर्घटनामा परेर ५ यात्रु घाइते भएका छ्न । रम्भा गाउँपालिका– ४, रानीवन रिगैरामा जिप दुर्घटना भएको हो ।आर्यभञ्ज्याङ – रामपुर सडक अन्तर्गत पूर्वखोला गाउँपालिका– ५, वीरकोटबाट रम्भाको हुमिन रमईडाँडातर्फ जाने क्रममा लु १ ज ३९८३ नम्बरको जिप दुर्घटना भएको हो ।
जिल्ला प्रहरी कार्यालय पाल्पाका सूचना अधिकारी प्रहरी निरीक्षक सन्तोष चन्दले दुर्घनामा परेर पाँच यात्रु घाइते भएको जानकारी दिए ।दुर्घटनामा रम्भा – ४, हुमिन रमईडाँडाका २३ वर्षीय कृष्ण सारू, सोही स्थानका २७ वर्षीय नरेन्द्र दर्लामी, २२ वर्षीय दिलबहादुर कवरमगर, १९ वर्षीय मोहनसिंह दर्लामी र १८ वर्षीय सुरेश सारू घाइते भएका छन् ।
घाइतेहरूको तानसेनस्थित मिसन अस्पतालमा उपचार भइरहेको छ । घाइतेमध्ये कृष्ण सारुबाहेक अन्यको अवस्था सामान्य रहेको अस्पतालले जनाएको छ । घटनाबारे थप अनुसन्धान भइरहेको प्रहरीले जनाएको छ ।
