निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
पोखरा । आविष्कार हस्पिटल आर्थाेप्लाष्टी एन्ड ट्रमा सेन्टर प्रालिको शुक्रबार भएको दोस्रो वार्षिक साधारणसभा तथा विशेष अधिवेशनले नयाँ नेतृत्व चयन गरेको छ ।
सभाले वरिष्ठ नाक, कान, घाँटी रोग विशेषज्ञ डा सञ्जय कोइरालाको अध्यक्षतामा नयाँ नेतृत्व सर्वसम्मतले चयन गरेको हो।
यस्तैगरी हस्पिटलको प्रबन्ध निर्देशकमा डा कृष्ण बोगटीले जिम्मेवारी पाएका छन् । सञ्चालक समिति सदस्यमा डा. रमेश शर्मा, श्रीराम अधिकारी र सुजु गौतम चयन भएका छन्।
कार्यवाहक अध्यक्ष श्रीराम अधिकारीको अध्यक्षतामा भएको सभाले अध्यक्षले प्रस्तुत गरेको आव २०७९/८० को वार्षिक प्रतिवेदन र आर्थिक प्रतिवेदन पारित गरेको छ ।
नवनिर्वाचित अध्यक्ष डा कोइरालाले विभिन्न संघ, संस्थासँग सहकार्य गर्ने र विशिष्टिकृत सेवाहरु थप्दै अस्पताललाई पोखराकै उत्कृष्ट अस्पतालको रूपमा विकास गर्दै लैजाने प्रतिवद्धता जनाए।
आविष्कार हस्पिटल आर्थाेप्लाष्टी एन्ड ट्रमा सेन्टर प्रालिक पोखराका विशेषज्ञ डाक्टरहरूको लगानीमा बुद्धचोकमा सञ्चालित २५ सैयाको अस्पताल हो।
