निष्पक्ष र विश्वसनीय खबरको सँगालो 
Khabar Punja
१२ आश्विन २०८१, आईतवार
दमाैली । तनहुँको आँबुखैरेनी गाउँपालिका–३ निवासी स्तन क्यान्सर पीडित अनु श्रेष्ठको उपचारका लागि वडा सदस्य मनोजकुमार श्रेष्ठको पहलमा करिब रु पाँच लाख सङ्कलन भएको छ । विगत केही समययता क्यान्सरबाट पीडित श्रेष्ठको उपचारका लागि श्रेष्ठको पहलमा रु चार लाख ८९ हजार पाँच सय ९२ सङ्कलन भएको हो ।
उक्त रकम आज पीडितका श्रीमान् गणेशकुमार श्रेष्ठलाई हस्तान्तरण गरिएको छ । पीडितको बारेमा जानकारी पाएपछि सामाजिक सञ्जालमार्फत् सहयोगको अपिल गरेकामा देश तथा विदेशबाट उक्त रकम सङ्कलन भएको वडा सदस्य श्रेष्ठले जानकारी दिए । उनले भने, “उहाँको उपचारमा सहयोग पुगोस् भनेर अपिल गरेको थिएँ, धेरै जनाले सहयोग गर्नुभएको छ । आज पीडितका श्रीमान्लाई उक्त रकम हस्तान्तरण गरिएको छ ।”
श्रेष्ठको हाल चितवन क्यान्सर अस्पतालमा उपचार भइरहेको छ ।
