निष्पक्ष र विश्वसनीय खबरको सँगालो 
Khabar Punja
१७ कार्तिक २०८१, आईतवार
दमौली । व्यास नगरपालिकाले दमौली बजारमा ११ दिनदेखि फोहर नउठाउँदा बजार दुर्गन्धित हुन थालेको छ । नकुहिने फोहर फाल्ने ठाउँ अभाव भएपछि दमौली बजार क्षेत्रमा साउन १ देखि फोहर उठेको छैन । जसकारण चोक-चोकमा फोहरको डङ्गुर हुन थालेको छ ।
फोहरको डङ्गुर यत्रतत्र छरिएपछि युवा अभियान्ता सुदीप गफ्फारले त्यसलाई व्यवस्थित गरिदिएका छन् । शुक्रबार बिहानै उनले विभिन्न ठाउँ पुगेर छरिएका फोहरलाई कालो प्लाष्टिकमा बेरेर व्यवस्थित बनाइदिएका हुन् ।
यसअगाडी केही महिना पहिला समेत फोहर नउठेपछि गफ्फारले यही विधि अपनाएका थिए । नगरपालिकाले फोहरको स्थायी समाधानको उपाय निकाल्न गफ्फारले आग्रह गरेका छन् ।
