निष्पक्ष र विश्वसनीय खबरको सँगालो 
Khabar Punja
१ पुष २०८२, बुधबार
काठमाडौ, २३ भदौ । नेपाली कांग्रेसले सामाजिक सञ्जाल पुन: सञ्चालन गर्नुपर्ने निर्णय गरेको छ।सभापति शेरबहादुर देउवाको निवास बूढानीलकण्ठमा आज साँझ बसेको पदाधिकारी तथा पूर्वपदाधिकारी बैठकले गत बिहीबार बन्द गरिएका सामाजिक सञ्जाल पूर्ववत अवस्थामा चल्न दिने निर्णय गर्न सरकारलाई आग्रह गर्ने संस्थागत निर्णय गरेको महामन्त्री विश्वप्रकाश शर्माले जानकारी दिए।
पार्टीले उक्त निर्णय गरेपछि सभापति देउवाले प्रधानमन्त्री केपी शर्मा ओलीलाई फोन गरेका छन्। सभापति देउवाले आजकै मन्त्रिपरिषद बैठकबाट सामाजिक सञ्जाल पूर्ववत अवस्थामा चल्न दिने निर्णय लिन प्रधानमन्त्री केपी शर्मा ओलीलाई आग्रह गरिसकेको पनि महामन्त्री शर्माले जानकारी दिए।
