निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
काठमाडौँ, ७ असाेज । चलचित्र ‘हरिबहादुरको जुत्ता’ सेन्सर पास भएको छ । केन्द्रीय चलचित्र जाँच समिति (सेन्सर बोर्ड) ले चलचित्रलाई युनिभर्सल सर्टिफिकेट दिँदै सेन्सर पास गरेको हो । अब यो चलचित्र सबैले उमेर समूहका दर्शकले हेर्न पाउनेछन् ।
दीपेन्द्र के खनालद्वारा निर्देशित चलचित्रमा हरिवंश आचार्य, स्वस्तिमा खड्का, प्रकाश सपुत, प्रियङ्का कार्की, हरिहर शर्मा, दिव्य देव, किरण केसी, राजाराम पौडेल, दिनेश काफ्ले, सिता न्यौपाने, कमलमणि नेपाल लगायतका कलाकारको अभिनय छ । चलचित्र दसैँको फूलपाती (असोज १३) गतेबाट प्रदर्शनमा आउँदै छ ।
एसएम मोसन पिक्चर्सको ब्यानरमा निर्माण भएको चलचित्रलाई सरोज ओली र मोहितवंश आचार्यले निर्माण गरेका हुन् । कृष्ण बहादुर थापाले खिचेको चलचित्रका सम्पादक नकुल खड्का हुन् ।
चलचित्रमा वसन्त सापकोटा, दीपक शर्मा र प्रकाश सपुतको सङ्गीत रहेको छ ।
