निष्पक्ष र विश्वसनीय खबरको सँगालो 
Khabar Punja
२० चैत्र २०८२, शनिबार
दमौली, २६ फागुन । फागुन महिनाको चाैथाे मंगलबार तनहुँको भानु-७ थानीमाई मन्दिरमा विभिन्न जिल्लाबाट २७ वटा डोली भित्रिएका छन्। तनहुँ, लमजुङ, गोरखा, चितवन र काठमाडौंबाट गरी २७ डोली मन्दिर परिसरमा भित्रिएको मन्दिर व्यवस्थापन समितिले जनाएको छ ।
डोलीसँगै करिब तीन हजार भक्तजनले मन्दिरमा पुगेर देवीको दर्शन गरेका छन्। भक्तजनको ठूलो सहभागिताले मन्दिर क्षेत्रमा मंगलबार बिहानैदेखि धार्मिक माहोल बनेको समितिका अध्यक्ष जीवन थापा मगरले जानकारी दिए ।
यसअघि सोमबार राति ८५ जना भक्तजनले मन्दिर परिसरमा रातभर जाग्राम बसेर बत्ती बालेका थिए।
थानिमाई मन्दिरमा मनोकांक्षा पूरा हुने विश्वासका साथ भक्तजनहरूले भाकल गरी फूलडोली चढाउने र राति जाग्राम बसेर बत्ती बाल्ने चलन परम्परादेखि चल्दै आएको छ।
