निष्पक्ष र विश्वसनीय खबरको सँगालो 
Khabar Punja
२ जेष्ठ २०८१, बुधबार
पाेखरा । गण्डकी प्रदेशमा बुधबार १२ जना काेराेना सङ्क्रमित थपिएका छन् । पाेखरा स्वास्थ्य विज्ञान प्रतिष्ठान र क्षयराेग उपचार केन्द्रमा गरिएकाे परीक्षण अनुसार कास्की र बागलुङका १२ जनामा काेराेना पुष्टि भएकाे हाे ।
स्वास्थ्य निर्देशनालयका अनुसार पाेखरा महानगरपालिकाका १० र बागलुङकाे गल्काेट र जैमिनीका १/१ जनामा काेराेना पुष्टि भएकाे हाे । थपिएकामध्ये पाेखरा महानगरपालिकाका १७, ४५, २१, २७, २०, २३, ३०, ५७, १७ र ३८ वर्षीय पुरुष रहेकाे स्वास्थ्य निर्देशक डा. विनाेदविन्दु शर्माले जानकारी दिनुभयाे । त्यस्तै गलकाेटका ३४ वर्षीय पुरुष र जैमिनीका २५ वर्षीया महिलामा काेराेना पुष्टि भएकाे छ । सबै सङ्क्रमितलाई आइसाेलेशन कक्षमा लैजाने तयारी भइरहेकाे उहाँले बताउनुभयाे ।
याेसँगै गण्डकी प्रदेशमा काेराेना सङ्क्रमितकाे सङ्ख्या १ हजार ५ सय ५५ पुगेकाे छ भने निकाे हुनेकाे सङ्ख्या १ हजार ३ सय ६२ छ ।
