निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ । तनहुँको भानु नगरपालिका–१३ रयाले बर्खोला गाउँबाट वैदेशिक रोजगारमा गएका युवाहरुको सञ्जालले आफ्नो गाउँका सर्वसाधारणलाई मास्क र स्यानीटाइजर सहयोग गरेका छन् । कोभिड–१९ को जोखिम बढ्दै गइरहेकाले यसको जोखिम न्यूनीकरणका लागि विदेशमा रहेका युवाहरुले गाउँका सर्वसाधारणलाई स्वास्थ्य सामग्री सहयोग गरेका हुन् ।
उक्त स्वास्थ्य सामग्री भयरथान टोल सुधार समितिका अध्यक्ष चन्द्र विवश गुरुङले सर्वसाधारणलाई सोमबार हस्तान्तरण गर्नुभयो । उहाँका अनुसार ३० घरपरिवारलाई मास्क, स्यानीटाइजर प्रदान गरिएको छ ।
सङ्कटको घडीमा विदेशमा रहेर पनि आफ्नो गाउँवासीको स्वास्थ्य सुरक्षाप्रति चिन्ता व्यक्त गरेर सुरक्षा सामग्री सहयोग गर्ने कार्य सकारात्मक रहेको स्थानीयवासी एवं जिल्ला समन्वय समिति तनहुँका सदस्य गलबहादुर गुरुङले बताउनुभयो ।
