Khabar Punja

काठमाडाै : आईटी तथा ई कमर्समा ५ हजार विद्यार्थी दिक्षित गरेको सफ्ट्वेरिका कलेज अफ आइटी एण्ड ई कमर्सले आफ्नो यात्राको १० वर्ष पुरा गरेको छ। देशमा अन्तर्राष्ट्रिय स्तरको आईटी शिक्षा प्रदान गर्न कलेजले बेलायतको बिख्यात कोभेन्ट्री युनिभर्सिटी सँग सहकार्य गरि बेलायतको पाठ्यक्रम नेपालमै अध्यापन गराउँदै आएको छ। 

सफ्ट्वेरिका पुर्व विद्यार्थीहरु  राष्ट्रिय तथा अन्तराष्ट्रिय स्तरमा टेक्नोलोजिमा आधारित कम्पनीमा कार्यरत  रहेको कलेजका अध्यक्ष बिज्ञान श्रेष्ठ बताउँछन्। नयाँ प्राविधिक पाठ्यक्रमहरु भित्र्याइ नेपाली भुमिमै आइटी शिक्षाको अध्यापनमा सफ्ट्वेरिका कलेजको योगदान कोषेढुङ्गा साबित भएको श्रेष्ठले बताउनुभयाे ।

कलेजले युनिभर्सिटीको पाठ्यक्रम बाहेक सिस्को सर्टिफाईड कोर्स, सर्टिफाइड इथिकल ह्याकिङ्ग, आईबीएम कोर्स, फोर्टेनाइट एकेडेमी र अन्य आईटी सम्बन्धित पाठ्यक्रमहरूको समेत अध्यापन गराउँदै आएको छ। साथै कलेज आर्टिफिसियल इन्टेलिजिन्समा स्नातक र डाटा साइन्समा मास्टर डिग्रि संचालनको प्रकृयामा छ। 

सफ्टवेरिका टिम अन्तर्गतको पार्टनर कलेज, सनवे इन्टरनेसनल बिजनेस स्कूलले डाटा साइन्स र डिजिटल मार्केटिङमा स्नातक डिग्री प्रदान गर्ने प्रक्रियामा रहेको छ, जुन  कोर्ष नेपालका लागि पहिलो हो। यसैबीच, सफ्ट्वेरिका टिमले ‘डिजी स्कूल ग्लोबल’ मार्फत बेलायतको एन सि सि एजुकेसनले तयार गरेको आईटी शिक्षाको पाठ्यक्रम स्कूल स्तरका विद्यार्थीहरूका लागि  सुरू गरेको छ। 

सफ्टवेरिका कलेजले स्कूल स्तरदेखि स्नातकोत्तर तहसम्म विद्यार्थीहरूलाई प्राविधिक सीपहरू प्रदान गरि  आइटी शिक्षाले सम्पूर्ण देशको डिजिटलाइजेशनमा योगदान पुर्याउन र टेक्नोलोजी कम्पनीहरूमा लगानी बढाउन अग्रसर रहेको श्रेष्ठले जानकारी दिनुभयाे। देशको लागी पर्याप्त प्राविधिक रोजगारी सिर्जना गर्न सहयोग पुर्याउनु नै सफ्टवेरिका कलेजको उद्देश्य भएको श्रेष्ठ बताउनुहुन्छ ।

श्रेष्ठ भन्नुहुन्छ, “अहिलेको कोभिड–१९ को विषम परिस्थितिले हाम्रो काम र पारिवारिक जीवनको लागि पनि टेक्नोलोजीको  आवश्यकतालाई अझ प्रष्ट पारेको छ। त्यस्तै सरकारी कार्यालयहरुले पनि प्रविधिमा आधारित सेवा दिन सुरु गर्नु पर्ने आवश्यकता खड्केको छ। अहिलेको अवस्थामा सरकारले पनि प्राविधिक मानव संसाधनको प्रवर्द्धनमा ध्यान दिनु आवश्यक छ।”

पाँच जनाको समुहरुबाट सुरु भएको सफ्वरिका कलेजको संस्थापक अध्यक्ष विज्ञान श्रेष्ठ सँगै विनोद श्रेष्ठ, मनोजकुमार श्रेष्ठ, अमृत थापा र प्रमोद पौडेल सहसंस्थापक रहनुभएकाे छ । सफ्टवारिका कलेज जस्ता प्राविधिक संस्थाहरूलाई प्राविधिक पाठ्यक्रमहरू पेश गर्न सरकारले प्रोत्साहित गरि दक्ष प्राविधिक मानव संसाधनको आवश्यकता पूरा गर्न जोड दिनु पर्ने कलेजका प्रमुख प्रमोद पौडेल बताउनुहुन्छ । उहाँ भन्नुहुन्छ, “केहि वर्ष अघि हामीले महसुस गर्यौं कि यहाँ मानव संसाधनको आवश्यकता छ जुन साइबर सुरक्षामा काम गर्न सक्छ। त्यसपछि हामिले इथिकल ह्याकिङ र साइबर सुरक्षामा स्नातक पढाउन सुरु गर्यौं, नेपालमा यो पढाई पहिलो बन्यो। हाम्रा स्नातक अध्ययनरत विद्यार्थीहरुले अब एक बर्ष पछि साइबर सुरक्षामा देशका लागी काम गरिरहेका हुनेछन्।”

आईटी उद्योग र शिक्षण संस्थाको उत्थानमा सरकारको सहयोगि भुमिका भएमा काठमाडौं, दक्षिण एशियाको ‘सिलिकन भ्याली’ हुन सक्ने तर्क राख्नुहुन्छ कलेजका बिजनेस डाइरेक्टर अमृत  थापा। त्यसका लागी सरकारले सफ्टवारिका जस्ता शिक्षण संस्था र प्रविधिमा आधारित कम्पनीहरूको प्रवर्द्धनमा साघाउन आवस्यक रहेको थापाको भनाइ छ।  

“अहिलेसम्म आईटीमा आधारित कम्पनीहरू र संस्थाहरूले जे जति हासिल गरेका छन् उनीहरूकै आफ्नै प्रयासमा थिए । यद्यपि यस क्षेत्रको थप विकासका लागि हामीलाई सरकारको सहयोग चाहिन्छ,” थापाले भन्नुभयाे, “सरकारले आइटी क्षेत्रलाई विशेष प्राथमिकतामा राखेमा डिजिटल नेपालको सपना साकार गर्न सजिलो हुनेछ।”

“हाल सफ्टवारिका टोलीले आईटी कम्पनीहरुमा पनि लगानी गरेको छ जहाँ हामी हाम्रा विद्यार्थीहरुलाई प्लेसमेन्ट दिन र अरुलाई पनि रोजगारी दिन सक्छौं,” कलेजका सह संस्थापक बिनोद श्रेष्ठ भन्नुहुन्छ, “देशको विकासका लागि सरकारले हाम्रो योगदानलाई बुझ्नु जरुरी छ।”

कलेजको शिक्षण बिधिको व्याख्या गर्दै कलेज प्रमुख  पौडेल भन्नुहुन्छ, “पाठ्यक्रम भित्रका मोड्युलहरू विद्यार्थीले दबाब महसुस नगर्ने गरी सरल माध्यमबाट सिकाउने विधि कार्यान्वयन गरेका छौं ।” उहाँ थप्नुहुन्छ, “विद्यार्थीहरूलाई पाठ्यक्रमको प्राबिधिक अभ्यास  पूरा गर्न आफ्नै विचारहरू र टेक्निकल प्लेटफर्म छनौट गर्न अनुमति दिइन्छ। यस तरिकाले विद्यार्थीहरू सिकाइमा संलग्न छन्। यो सम्पूर्ण प्रक्रिया नेपालको तुलनात्मक रूपमा नयाँ अवधारणाको रूपमा आउँछ । यस अवधारणाको सबै भन्दा राम्रो पक्ष भनेको यसलाई अनलाइन प्लेटफर्मको मार्फत वितरित गर्न सकिन्छ। सफ्टवारिका कलेजको यो उत्कृष्ट रणनीति र दर्शनले प्रविधि क्षेत्रमा अग्रणी नेतृत्व गर्ने सक्नेछ।”

यस संस्थाले विभिन्न नयाँ पाठ्यक्रमहरू शुरू गर्ने, सिकाई विधिहरू संलग्न गर्ने, रोबोटिक्स उपकरण, थ्रीडी प्रिन्टरहरू, भर्चुअल रियलिटी उपकरणहरू जस्ता प्राविधिक स्रोतहरू प्रदान गर्ने माध्यमबाट प्राबिधिक शिक्षाको अग्रणी नेतृत्व गरेको सह संस्थापक मनोजकुमार श्रेष्ठको तर्क छ। 
भर्खरै सफ्टवेरिका कलेजले अनलाइन ट्राभल एग्रीग्रेटर एक्ससेलट्रिप, ई कमर्स प्लेटफर्म  ज्ञापु मार्केटप्लेससँग आईटी विकास र विद्यार्थीहरूको रोजगारीका अवसरहरूको लागि काम गर्ने रणनीतिक साझेदारीमा हस्ताक्षर गरेको छ ।

ज्ञापु र एक्सेलट्रिप नेपालका संस्थापक एवम् सीईओ ज्ञानेन्द्र खड्काले भन्नुभयाे, “हामी कलेज समूहसँग यो साझेदारीमा हस्ताक्षर गर्न पाउँदा खुसी छौं। यसले दुवै निकायलाई देशको विकासका लागि एकसाथ काम गर्न र धेरै युवाहरूलाई प्राबिधिक विश्वमा प्रवेश गर्न हौसला प्रदान गर्दछ, जुन देशको समग्र विकासको लागि मद्दत गर्दछ।”

यसैबीच श्रेष्ठले सफ्टवेरिका टोलीले आगामी १० बर्षमा अन्तर्राष्ट्रिय विद्यार्थीहरूलाई पनि आकर्षित गर्ने उद्देश्यले आईटी शिक्षामा थप नयाँ पाठ्यक्रम ल्याउने योजना बनाइरहेको बताउनुभयाे । “यदि सरकारले हाम्रा परियोजनाहरूमा नीतिगत सहयोग पुर्याउन सक्दछ भने निश्चित रूपमा हामी अन्य देशका विद्यार्थीलाई नेपालमा अन्तर्राष्ट्रिय शिक्षा प्रदान गर्न  ल्याउन सक्छौं,” श्रेष्ठले भन्नुभयाे, “विशेष गरी भारत, भूटान, थाईल्याण्ड, श्रीलंकालगायतका विद्यार्थीहरू हाम्रो कलेजले आकर्षित गर्ने लक्षित गन्तव्य हुनसक्दछन्। यस अभियानले अन्तर्राष्ट्रिय मापदण्ड र गुणस्तरीय शिक्षाको बिकास गर्नेछ।”