Khabar Punja

मान्छे भोका छन् भोकै हुन देऊ।
मान्छे दु:खी छन् , दु:खी हुन देऊ।।

यदि तिमी भोकालाई भोका देख्यौ
र दुखीलाई दु:खी देख्यौ भने,
देखी देखी नदेखे झै गर्नेका आँखाले
पनि तिमीलाई आँखाका कसिंगर देख्नेछन् ।
अनि पन्छ्याउनेछन्, यसरी जसरी
भदालाको दुधबाट तर पन्छायिन्छ।।

मान्छे गुहार गर्दै छन् , गुहार गर्न देउ।
मान्छे मर्दे छन्, मान्छे मर्न देऊ।।

यदि तिमीले, गुहार माग्नेलाई मद्दत
र मर्नेलाई नयाँ जीवन दिन खोज्यौ भने;
अरूले गुहार माग्दा कानमा गाना
घन्काएर, मृत्यूमा फूलमाला
अर्पण गर्न आउने हरुले;
तिमीलाई मृत्युको मुख पुर्याउने छन्।

त्यसैले तिमी भोकालाई टम्म देख्नु
दु : खी लाई सु : खी देख्नु।
गुहार लाई गा : ना देख्नु
मरेकोलाई जिउँदो देख्नु ।।

अनि मात्र कु:संस्कार, कु:बुद्दी र कु:मतीले घेरिएका
मानवीय दानवका अगाडि
तिमी उबिन पाउनेछौ।
अनि मात्र त प्रदुषण ले सुगन्धित समाज मा तिमीले
जिउने अनुमति पाउनेछौ।।