निष्पक्ष र विश्वसनीय खबरको सँगालो 
Khabar Punja
१७ बैशाख २०८१, सोमबार
आँबुखैरेनी : तनहुँको आँबुखैरेनी गाउँपालिकाले वर्षाका कारण सम्पत्ति क्षति भएका ५७ परिवारलाई राहत वितरण गरेको छ । आँबुखैरेनी गाउँपालिका–२ र ३ का ५७ परिवारलाई गाउँपालिकाले बुधबार राहत वितरण गरेको हो ।
आँबुखैरेनी–२ का ४४ र आँबुखैरेनी–३ का १३ घरधुरीलाई जनही रु पाँच हजारका दरले राहत रकम वितरण गरिएको गाउँपालिकाका प्रमुख प्रशासकीय अधिकृत विष्णुप्रसाद पोख्रेलले जानकारी दिनुभयो । पीडितलाई गाउँपालिकाका अध्यक्ष गिरबहादुर थापा, वडा नं २ का अध्यक्ष कटकबहादुर थापा र वडा नं ३ का अध्यक्ष पूर्णबहादुर आलेले उक्त रकम हस्तान्तरण गर्नुभयो ।
गत वर्षको वर्षाका कारण क्षति भएका पीडित परिवार पहिचान गरी राहत वितरण गरिएको प्रमुख प्रशासकीय अधिकृत पोख्रेलले जानकारी दिनुभयो ।
