निष्पक्ष र विश्वसनीय खबरको सँगालो 
Khabar Punja
१० माघ २०८१, शुक्रबार
दुलेगाैडा । नेपाली काङ्ग्रेस ऋषिङ–८ का सभापति भरतकुमार श्रेष्ठमाथि कुटपिट भएको छ । घरमै बसिरहेको समयमा सोमबार राति तीन जनाले श्रेष्ठलाई धारिलो हतियार प्रहार सहित कुटपिट गरेका हुन् ।
प्रहरीले कुटपिटको आरोपमा सन्जय श्रेष्ठ, अर्जुन श्रेष्ठ र महेश श्रेष्ठलाई पक्राउ गरेको छ । पक्राउ परेकालाई इलाका प्रहरी कार्यालय भिमादमा राखिएको छ ।
घाइते श्रेष्ठ र उनकी छोरीलाई उपचारका लागि पोखरा पठाइएको वडाध्यक्ष भरतकृष्ण श्रेष्ठले जानकारी दिए ।
घाइते हुने श्रेष्ठ शिव सरस्वती माध्यमिक विद्यालयका व्यवस्थापन समिति हुन् । कुटपिट गर्ने सन्जय सोही विद्यालयमा पढाउँछन् । सन्जयलाई विद्यालयमा नियुक्त गर्ने बेलामा केही कुरामा चित्त नबुझेर भरतकुमारले विरोध जनाएका थिए ।
साथै उनी ऋषिङ पुतली समूहबाट वडा सदस्यमा उम्मेदवार बनेका थिए । “त्यतिबेलादेखिकै रिस साँधेर अहिले चुनावको बेला पारेर कुटपिट गरेका हुन्,” वडाध्यक्ष श्रेष्ठले भने ।
