निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
पोखरा । सुरुवाती अग्रता अगाडी रहेको राष्ट्रिय स्वतन्त्र पार्टीका माधवप्रसाद कँडेललाई पाखा लगाउँदै कास्की २ मा नेकपा एमालेकी विद्या भट्टराइ निर्वाचित भएकी छन् । भट्टराइ ४ हजार ५०३ मतान्तरले निर्वाचित भएकी हुन् ।
यो क्षेत्रमा सुरुवाती मतगणनामा कँडेल अघिअघि भट्टराई पछ्याउदै थिइन् । भट्टराइले १६ हजार ९९८ मत प्राप्त गरेर दोस्रो पटक संसदीय यात्रा निश्चित गरेकी हुन् । प्रध्यापन क्षेत्रमा क्रियाशिल विद्या रवीन्द्र अधिकारीको हवाइ दुर्घटनामा मृत्यु भएपछि भएको उपचुनावमा निर्वाचित भएकी थिइन् ।
भट्टराइका निकटतम् प्रतिद्वन्द्वी कँडेलले १२ हजार ४९५ मत ल्याउन सफल भए । सत्तारुढ गठबन्धनबाट उम्मेदवार बनेका नेकपा एकीकृत समाजवादीका श्रीनाथ बराल ९ हजार ६५९ मतसहित तेस्रो स्थानमा रहे ।
