निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
मुस्ताङ । मुस्ताङको जोमसोमबाट पोखरातर्फ जाँदै गरेको बस मुस्ताङको थासाङ गाउँपालिका–३ स्थित धम्पु सडकबाट कालीगण्डकी नदीमा खसेको छ । जोमसोमबाट १७ जना यात्रु लिएर पोखरातर्फ जाँदै गरेको ना ७ ख ७४४० नम्बरको म्याग्दी कोरला यातायात प्रालिको बस आज (बुधबार) बिहान ८ः३० बजेतिर दुर्घटनामा परेको जिल्ला प्रहरी कार्यालय मुस्ताङले जानकारी दिएको छ ।
बसमा सवार १७ जना यात्रुमध्ये चार जना गम्भीर घाइते भएका छन् । अन्य यात्रु भने सामान्य घाइते छन् । राष्ट्रिय गौरवको बेनी–जोमसोम सडकको धम्पुस्थित सडकको बायाँ करिब ५४ मिटर तल कालिगण्डकी नदीमा बस खसेको प्रहरी नायव उपरीक्षक (डीएसपी) रविन्द्रनाथ पौडेलले जानकारी दिएका छन् ।
