निष्पक्ष र विश्वसनीय खबरको सँगालो 
Khabar Punja
८ बैशाख २०८१, शनिबार
दुलेगाैडा । स्ववियु निर्वाचन अन्तर्गत तनहुँको शुक्लागण्डकी नगरपालिका–८ स्थित शहीद कृष्ण क्याम्पसमा नेपाल विद्यार्थी संघ नेतृत्वको प्यानल विजयी भएको छ । आइतबार सम्पन्न निर्वाचन अन्तर्गत उक्त क्याम्पसमा नेविसंघ नेतृत्वको प्यानल नै विजयी भएको हो । निर्वाचनमा ४० मतमध्ये ३७ मत खसेको थियो ।
सभापतिमा विष्णुबहादुर अधिकारी २७ मत प्राप्त गरी विजयी भएका छन् । प्रतिस्पर्धी अनेरास्ववियुका मनोज बानियाँले १० मत प्राप्त गरे ।
सचिवमा नेविसंघकै शालिग्राम पोख्रेल २७ मत प्राप्त गरी विजयी भए । प्रतिस्पर्धी अनेरास्ववियुका ओमबहादुर महतले १० मत प्राप्त गरे ।
सदस्यहरुमा विना विक ३०, थमनबहादुर भुजेल ३०, दिपिका काफ्ले ३१ र प्रमिला पौडेल ३१ मत प्राप्त गरी विजयी भएका छन् । कोषाध्यक्षमा अखिल (क्रान्तिकारी) की सुष्मा माकिम निर्विरोध निर्वाचित भइसकेकी छन् ।
