दमौली । अरण्यज्योति क्रिकेट क्लवको आयोजनामा पोखरामा सञ्चालित अरण्यज्योति कपको उपाधि तनहुँले जितेको छ । पोखरामा सोमबार सम्पन्न फाइनलमा आयोजकलाई पराजित गर्दै तनहुँले उपाधि जितेको हो ।
उपाधिसँगै विजेता तनहुँले ८० हजार र ट्रफी प्राप्त गरेका छन् । उपविजेताले ४० हजार नगद सहित ट्रफी प्राप्त गरेका छन् ।
आइतबार भएको सेमिफाइनलमा तनहुँले बागलुङलाई पराजित गरी फाइनल पुगेको थियो । त्यस्तै अरण्यज्योतीले सांग्रिला क्रिकेट क्लवलाई पराजित गरी फाइनल पुगेको थियो ।
तनहुँले पछिल्लो एक वर्षमा तीन वटा उपाधि जितेको छ। बागलुङमा भएको शहीद कप क्रिकेट प्रतियोगितामा प्रथम, कास्कीमा भएको छनोट खेलमा प्रथम र नवलपुरमा भएको मेयर कपमा तनहुँ उपविजेता भएको तनहुँका कप्तान चन्द्रकान्त पौडेलले जानकारी दिए ।