निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
दमौली । सर्पले टोकेर घाइते तनहुँको ऋषिङ गाउँपालिका-७ राइथोक निवासी ५३ वर्षीया प्रितम परियारलाई ऋषिङ-८ का वडाध्यक्ष भरतकृष्ण श्रेष्ठले आफ्नै गाडीमा अस्पताल पुर्याएका छन् ।
मंगलबार सॉझ सर्पले टोकर घाइते परियारलाई उपचारका लागि श्रेष्ठले आफ्नै निजी सवारीमा जिपी कोइराला श्वासप्रश्वास उपचार केन्द्र पुर्याएका हुन् ।
निजको आफन्त कोही नभएकाले श्रेष्ठ सहित कर्मचारी उमाकान्त पौडेल र पुरानथोकका स्थानीय गणेशकुमार श्रेष्ठले घाइते परियारलाई अस्पताल पुर्याएका थिए ।
चिकित्सकको सल्लाह अनुसार निजको थप उपचारका लागि गण्डकी अस्पताल पोखरा लगिएको थियो । अस्पतालहरुमा ओपिडी सेवा बन्द रहेका कारण चिकित्सककै सल्लाहमा एक/दुई दिनमा फलोअपमा आउने गरी निजलाई डिस्चार्च गरिएको छ । घाइतेलाई वडाध्यक्ष श्रेष्ठकै सवारीमा पुन: घरसम्म पुर्याइएको छ ।
वडाध्यक्ष श्रेष्ठले विपन्न एवं समस्यामा परेकालाई निशुल्क सवारी साधन उपलब्ध गराउँदै आएका छन् । उनले बिरामी भएकालाई आफैले अस्पतालसम्म पुर्याउने गरेका छन् ।
