निष्पक्ष र विश्वसनीय खबरको सँगालो 
Khabar Punja
२२ पुष २०८१, मंगलवार
पोखरा । पोखरामा जारी केपी ओली कप टी-२० क्रिकेट प्रतियोगितामा नेपाल पुलिस क्लबले विजयी सुरुवात गरेको छ । पुलिसले आइतबार पहिलो खेलमा मधेश प्रदेशलाई ५७ रनले पराजित गर्दै सुखद सुरुवात गरेको हो ।
पुलिसको जीतमा ओपनर कुशल भुर्तेलले उत्कृष्ट शतक प्रहार गरेका थिए । भुर्तेलले ५७ बलमा ८ चौका र ७ छक्काको मद्दतले शतकीय पारी खेले ।
पुलिसका सुनिल धमलाले ४५ र करण केसीले अविजित १५ रन जोडे । मधेशका विशाल पटेल र विशाल सिस्लिङले समान २-२ र रुपेश सिंहले एक विकेट लिए ।
जवाफी ब्याटिङ गरेको मधेशले सुखद सुरुवात गर्न सकेन । रुपेश सिंह ४०, इम्रान शेखले २२, रोशन बिक र राकेश कमाटले १०-१० रनको योगदान गर्नुबाहेक अन्य ब्याटर क्रिजमा जम्न सकेनन् ।
बलिङमा पुलिसका करण केसी, रशिद खान, सागर ढकाल र ललित राजभण्डारीले समान २-२ विकेट लिए ।
पराजित मधेशले सोमबार सुदूरपश्चिम प्रदेशको सामना गर्नेछ ।
