निष्पक्ष र विश्वसनीय खबरको सँगालो 
Khabar Punja
४ माघ २०८१, शनिबार
दमौली । सामाजिक कार्यमा सक्रिय रहेको लायन्स क्लब अफ दुलेगौंडा खैरेनी सिटी र लियो क्लब अफ दुलेगौंडा खैरेनी सिटीको संयुक्त आयोजनामा बिरूवा गाउँपालिका-५ मा रहेको देववाणी आधारभूत विद्यालयका विद्यार्थीलाई न्यानो कपडा र शैक्षिक सामग्री वितरण गरेको छ ।
विद्यार्थीको पढाइलाई चिसोले प्रभावित नगरोस् भन्ने हेतुले विद्यालयमा अध्यनरत ३७ विद्यार्थीलाई शैक्षिक सामग्री साथमा न्यानो कपडा वितरण गरिएको लायन्स क्लबका अध्यक्ष ठानप्रकाश न्यौपानेले बताए । जहाँ विद्यार्थीलाई ट्रयाक-सुट, टिसर्ट, जुत्ता र टोपी साथमा शैक्षिक सामग्री वितरण गरिएको छ ।
तिहारको समयमा समूहमा देउसीभैलो खेलेके पैसा साथमा विभिन्न सहयोगी निकायबाट संकलित ८५ हजार रूपैयाँ बराबरको सहयोग विद्यार्थीलाई गरेको लिये क्लबका अध्यक्ष विवेक वाग्लेले बताए ।
