निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमाैली । व्यास नगरपालिकाका जनप्रतिनिधिले सरसफाई केन्द्र निर्माणका लागि नगरपालिकाका कर्मचारीको असहयोग रहेको आरोप लगाएका छन् । शनिबार नगरपालिकाको सभाहलमा पत्रकार सम्मेलन गर्दै नगरपालिकाका जनप्रतिनिधिहरुले कर्मचारीको असहयोगले सरसफाई केन्द्रको जग्गा खरिद प्रक्रिया विवादमा परेको र सरसफाई केन्द्र निर्माण हुन नसकेको आरोप लगाए ।
नगरपालिकाका उपप्रमुख इन्दिरा दरै सहित विभिन्न वडाका अध्यक्ष तथा कार्यपालिका सहितका
जनप्रतिनिधिले नगरपालिकाका केही कर्मचारीहरुको कारण सरसफाई केन्द्र निर्माण हुन नसकेको आरोप लगाए ।
नगरपालिका प्रमुख प्रशासकीय अधिकृत काशीराम गैह्रे, वरिष्ठ आलेप अधिकृत कुमार कन्चन जिसी, सरसफाई शाखाका प्रमुख कृष्णराज घिमिरे लगायतका कर्मचारीहरुले सरसफाई केन्द्र स्थापनाका लागि संगठित रुपमा असहयोग गरेको उनीहरुकाे आराेप छ । नगर कार्यपालिकाको बैठकले सरसफाई केन्द्र स्थापनाक लागि व्यास नगरपालिका- १३ का अध्यक्ष बसन्त आलेको संयोजकत्वमा जग्गा व्यवस्थापन उपसमिति गठन गरेको थियो । तर नगरपालिकाका केही कर्मचारीहरुले सरसफाई केन्द्र निर्माणमा सुरुदेखि असहयोग गरेको वडा अध्यक्ष आलेले आरोप लगाए ।
जग्गा व्यवस्थापन कार्य असफल बनाउन कुमार कन्चन जिसीको नेतृत्वमा मन्त्रालय र अख्तियारसम्म निवेदन दिई उक्त जग्गालाई विवादित बनाउन लागिएको वडा अध्यक्ष आलेले बताए । साथै स्थानीयवासीलाई पनि उचालेर उक्त स्थानमा जग्गा खरिद गर्न नदिने षड्यन्त्र रचिएको उनको आरोप छ । कर्मचारीहरुले आफूहरुले कमिसन नपाउँदा सम्म जग्गा खरिद प्रक्रिया पुरा हुन नदिने षड्यन्त्र रचेको आरोप आलेले लगाए ।
आजकाे लाेकवाणी दैनिकमा समाचार छ ।
