निष्पक्ष र विश्वसनीय खबरको सँगालो 
Khabar Punja
२३ चैत्र २०८१, सोमबार
काठमाडौ, २० चैत । नेपाली कांग्रेसको भ्रातृ संगठन नेपाल तरुण दलले जिल्ला नेतृत्वलाई वडा र पालिका तहको अधिवेशनको मिति तय गर्न निर्देशन दिएको छ ।
अध्यक्ष विद्धान गुरुङले बुधबार परिपत्र गरेर जिल्ला नेतृत्वलाई वडा र पालिका तहको अधिवेशन मिति तय गर्न निर्देशन दिएका हुन् ।
गुरुङको पाँच बुँदे परिपत्रको पहिलो बुँदामा भनिएको छ, ‘जिल्लाका अध्यक्षहरूलाई वडा र पालिका तहको अधिवेशनको केन्द्रलाई जानकारी गराइ मिति तय गरेर सो तहको अधिवेशन गर्ने जिम्मेवारी ।’
परिपत्रमा केन्द्रबाट स्वीकृत गर्न तोकिएको शुल्कसहित जिल्लाको पूर्णकालीन फारम केन्द्रमा बुझाउन र मातृ पार्टी कांग्रेसको जिल्ला कार्यसमितिसँग अधिवेशनका लागि समन्वय गर्न पनि भनिएको छ ।
अध्यक्ष गुरुङले वडा र पालिका अधिवेशन सम्पन्न गरी जिल्ला अधिवेशन प्रतिनिधिको नाम अनुमोदनका लागि केन्द्रमा पठाउन पनि निर्देशन दिएका छन् ।
उनले वडा र पालिका अधिवेशन सम्पन्न गरिसकेका जिल्लाहरूले प्रदेश सभा निर्वाचन क्षेत्र, संघीय निर्वाचन क्षेत्र र जिल्ला अधिवेशनको मिति प्रस्ताव गरेर पार्टी केन्द्रीय कार्यालयबाट अनुमति लिन पनि भनेका छन् ।
उनले मातृ पार्टी कांग्रेसका जिल्ला सभापतिहरूलाई संगठनको अधिवेशन सहयोग गरिदिन पनि आग्रह गरेका छन् ।
