Khabar Punja

एजेन्सी: ला लिगा अन्तर्गत रियल म्याड्रिडले संघर्षपूर्ण जित हासिल गरेको छ । गएराती सम्पन खेलमा रियल म्याड्रिडले रियल बेटिसलाई ३-२ गोल अन्तरले पराजित गरेको छ ।

रियल म्याड्रिडको जितमा फेडेरिको भाल्भार्ड़े र सर्जियो रामोसले गोल गरेका थिए भने बेटिसका इमर्सनले एक गोल आत्मघाती गरेका थिए ।त्यस्तै बेटिसका लागि एसिस्सा मान्डी र विलियम कार्भाल्होले एक एक गोल गरेका थिए ।

२-२ गोलको अवस्थामा रियलले पाएको पेनाल्टीलाई रामोसले खेलको ८२औ मिनेटमा गोलमा परिणत गर्दै रियललाई जित दिलाएका थिए ।खेलको ६७औ मिनेटमा बेटिसका इमर्सनले रातो कार्ड पाए मैदान छोड्दा बेटिस १० खेलाडीमा सिमित भएको थियो ।

योसँगै पहिलो खेलमा बराबरीमा रोकिएको रियल म्याड्रिड दोस्रो खेलमा जित हासिल गरेको छ ।रियल बेटिसको भने तेस्रो खेलमा यो पहिलो हार हो ।