निष्पक्ष र विश्वसनीय खबरको सँगालो 
Khabar Punja
२२ कार्तिक २०८१, शुक्रबार
दमौली । तनहुँको ऑबुखैरेनी गाउँपालिका-३ रामशाह घाटमा घाइते अवस्थामा एक मृगको उद्धार गरिएको छ । सोही ठाउँ निवासी अमृत खत्री केसीले आइतबार बिहान घाइते अवस्थामा मृगको उद्धार गरेका हुन् ।
केसीले मृगको उद्धार गरी ऑबुखैरेनी गाउँपालिकालाई खबर गरेका थिए । घाइते मृगलाई गाउँपालिकाको पशु सेवा शाखाबाट उपचार गरी सव डिभिजन वन कार्यालय विमलनगर बुझाइएको थियो ।
उक्त मृगलाई वासस्थान सुहाउँदो वनमा लगेर छाडिएको गाउँपालिकाका पशु सेवा शाखा प्रमुख डा. सन्तोष देवकोटाले जानकारी दिए ।
