निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
तनहुँ/४२ औ पुष्पलाल स्मृति दिवसको अवसरमा बुधबार देवघाटमा वृक्षारोपण गरिएको छ । नेपाल कम्युनिष्ट पार्टी (नेकपा) देवघाटले पुष्पलालको स्मृतिमा वृक्षारोपण गरेको हो ।
देवघाट क्षेत्र विकास समितिको अगाडीको गलेश्वर मार्ग, धर्मार्थ अस्पताल वरपर करीब ३ सय बिरुवा रोपिएको गाउँ कमिटी सचिव केशवचन्द्र न्यौपानेले जानकारी दिनुभयो । सो अवसरमा ऑप, कागती, कपुर लगायतका बिरुवा रोपिएको छ ।
कार्यक्रममा देवघाट गाउँपालिकाका अध्यक्ष दुर्गबहादुर थापा, देवघाट क्षेत्र विकास समितिका अध्यक्ष शिवराज पौडेल,देवघाट गाउँपालिका-५ का वडाध्यक्ष यालबहादुर गुरुङ लगायत सहभागी हुनुहुन्थ्यो ।
पुष्पलालको स्मृति दिवसमा नेपाल कम्युनिष्ट पार्टी (नेकपा) ले जिल्लाका सबै स्थानीय तहमा विविध कार्यक्रमको आयोजना गरेको छ ।
