निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
मड्रिड । अतिरिक्त समयमा चिर प्रतिद्वन्द्वी रियल मड्रिडलाई हराउँदै एट्लेटिको मड्रिड कोपा डेल रेको क्वार्टरफाइनलमा प्रवेश गरेको छ । बिहीबार राति भएको खेलमा एट्लेटिको ४–२ गोलले विजयी बनेको हो ।
खेलको ३९ औँ मिनेटमा सामुएल लिनोको गोलको मद्दतले एट्लेटिकोले खेलमा अग्रता लिएको थियो । तर, पहिलो हाफको इन्जुरी समयमा गोलकिपर जोन ओब्लाकले आत्मघाती गोल गरेपछि रियल खेलमा फर्कियो ।
दोस्रो हाफमा अल्भारो मोराटाले पुनः एट्लेटिकोलाई अग्रता दिलाएका थिए । ८२ औँ मिनेटमा जोसेलुले बेलिङह्यामको क्रसमा गोल गरेपछि खेल अतिरिक्त समयमा धकेलियो ।
अतिरिक्त समयको १ सयौँ मिनेटमा एन्टोनी ग्रिजमानले गोल गर्दै एट्लेटिकोलाई अग्रता दिलाए । ११९औँ मिनेटमा रोड्रिगो रिकेल्मीले अर्को गोल थप्दै टोलीको जीत सुनिश्चित गरे ।
