निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : पत्रकार अमरराज नहर्कीको शब्द रहेको ‘लाखौ तारा आकाशै’मा म्युजिक भिडियो सार्वजनिक भएको छ । सात वर्ष अगाडी रचना भएको गीतको म्युजिक भिडियो सोमबार सार्वजनिक भएको हो ।
गायक नवराज थापाको स्वर तथा सङ्गीत रहेको म्युजिक भिडियोमा स्वयं गायक थापा र आरती शर्माको अभिनय रहेको छ । सात वर्ष अघि गीत लेखिएको भएपनि म्युजिक भिडियो भने अहिले तयार गरी बजारमा ल्याइएको गीतकार नहर्कीले जानकारी दिनुभयो ।
नेपाल प्रेस युनियन तनहुँका अध्यक्ष समेत रहनुभएका पत्रकार नहर्कीकै शब्द रहेको विरानो देश केही समय अगाडी मात्रै सार्वजनिक भएको थियो । उक्त गीतमा पनि गायक थापाले नै आवाज भर्नुभएको छ । सुदीप पौडेलको निर्देशन रहेको गीतको छायाङ्कन रमेश शर्माले गर्नुभएको छ ।
लाखौ तारा आकाशैमा तर तिमी हौ जुन
स्वभावमा पनि तिमी नम्बरी सुन
गाजलु आँखा तिम्रो पिपलपाते तिमी ओठ
रेशमी केस तिम्रो छैन कुनै खोट
