निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
काठमाडौं । नेपाली कांग्रेसका वरिष्ठ नेता रामचन्द्र पौडेलले जारी केन्द्रीय कार्य समिति बैठकमा धेरै केन्द्रीय सदस्यहरूको धारणा चुनावी गठबन्धनको पक्षमा आएको बताएका छन् ।
केन्द्रीय कार्यालय सानेपामा पत्रकारहरूसँग अनौपचारिक कुरा गर्दै वरिष्ठ नेता पौडेलले गठबन्धनबारे केन्द्रीय समितिले नीतिगत निर्णय लिने जानकारी दिए । उनका अनुसार कुन स्थानीय तह कसले लिने भन्न निर्णय भने पछि नै हुनेछ ।
पौडेलले भने– कुन स्थानीय तह कसले लिने भन्ने त पछि निर्णय गर्ने कुरा हो । चुनावी तालमेल गरेर गठबन्धन बचाएर लानुपर्ने आवश्यकता छ । धेरै केन्द्रीय सदस्यहरूको धारणा तालमेलको पक्षमा आएको छ। कहाँ कहाँ लिने, कहाँ कहाँ छाड्ने भन्ने त पछि सल्लाह हुन्छ । यो बैठकले चुनाव बारे सैद्धान्तिक निर्णय गर्छ ।
